【多功能老婆】王梓軒開騷展暖男魅力　黃浩然于淼結伴撐Jonathan

王梓軒在 《多功能老婆》演癡情男梅君明，受到不少好評。Jonathan一連兩晚在會展舉行《王梓軒CROSSING 源‧樂 演唱會》，昨晚圓滿結束，梓軒心存感恩感謝台前幕後付出嘅努力，觀眾入場嘅支持，由於反應好，投資方已答應開part 2。

尾場有《多功能老婆》嘅金牌編劇監製陳寶華、黃浩然同于淼來支持，梓軒在場問現場觀眾有否睇《多功能老婆》？，全場大叫「有」。

他稱：「我明白寶華姐要坐喺中間，因為顏成功（于淼）同浩然坐埋一齊，可能俾人打，哈哈……」

▲ （大會提供）

梓軒更感謝寶華姐寫咗一個這麼好的劇集，而且角色英文名與他同名，並有機會同前輩梁舜燕合作。

 今次個唱，梓軒由籌備到開騷，足足籌備了半年多，由傾歌到綵排時，每個人都有input，他在台上感觸道：「我想令大家開心，正正就是我們演唱會最重要的其中一個主題，想幫大家一齊去尋找快樂嘅根源，過程之中，希望每一位重新去學習世界…」隨即邀唱《再生》。

▲ 衛蘭衛詩任嘉賓。（大會提供）

 演唱會又邀來衛蘭衛詩任嘉賓，之後梓軒到達慶功宴時滿場飛，與贊助商及台前幕後工作人員祝酒後，便啟動「食力」，「終於可以食餐勁嘅！」